بھارتی فوج کی ایل اوسی پر سیزفائرمعاہدے کی خلاف ورزی بدستور جاری

بھارتی فوج کی جانب سے لائن آف کنٹرول اور ورکنگ باؤنڈری پر سیزفائر معاہدے کی خلاف ورزی کا سلسلہ جاری ہے،بھارتی فوج نے ایل اوسی پر تتہ پانی سیکٹر پر بلااشتعال فائرنگ کردی، جس کے نتیجے میں ایک خاتون اور 12 سالہ بچہ شہید ہوگیا، پاک فوج نے بھارتی فوج کی فائرنگ کا منہ توڑ جواب دیا۔ پاک فوج کے شعبہ تعلقات عامہ(آئی ایس پی آر) کے مطابق بھارتی فوج نے سیز فائر معاہدے کی خلاف ورزی کرتے ہوئے کنٹرول لائن پر تتہ پانی اور کوٹ کوٹیرا سیکٹر پر بلا اشتعال فائرنگ کردی۔

بتایا گیا ہے کہ بھارتی فوج نے فائرنگ کرکے کنٹرول لائن پر سویلین آبادی کو نشانہ بنایا۔بھارتی فوج کی بلااشتعال فائرنگ سے ایک خاتون اور 12سالہ بچہ شہید ہوگیا ہے۔ بھارتی فوج کی فائرنگ سے شہید لڑکے کی شناخت 12سال کے محمد زاہد کے نام سے ہوئی ہے۔ پاک فوج نے بھارتی فوج کی فائرنگ کا منہ توڑ جواب دیا۔ پاک فوج نے بھارتی فائرنگ کا مئوثرجواب دیتے ہوئے بھارتی چوکیوں کونشانہ بنایا۔ پاک فوج کی جانب سے بھارتی فوج کی فائرنگ کا سخت ردعمل دیا جا رہا ہے۔ کنٹرول لائن پرفائرنگ کا سلسلہ وقفے وقفے سے جاری ہے۔ CRIME INFORMATION DEPARTMENT NEWS CID NEWS