کراچی پولیس کی کارروائی،5 مبینہ ملزمان گرفتار کراچی میں پولیس نے دوعلیحدہ کارروائیوں میں 5 مبینہ ملزمان گرفتار کرلئے۔ 2 ملزمان اسٹریٹ کرائم میں ملوث ہیں اور 3 کا تعلق لیاری گینگ وار سے ہے۔ ایس ایس پی کورنگی علی رضا کےمطابق کورنگی صنعتی ایریا سے پولیس نے دوران پٹرولنگ2ملزم گرفتار کرلئے۔ گرفتار ملزم بلال اور دانش اسٹریٹ کرائم کی وارداتوں میں ملوث ہیں، ملزمان سے2 پستول اور چھینی ہوئی موٹرسائیکل برآمد کرلی گئی اور مقدمہ درج کرکے مزید تفتیش شروع کردی گئی ہے۔ ادھر پاک کالونی میں مبینہ پولیس مقابلہ ہوا جس میں لیاری گینگ وار کے3ملزمان گرفتار کرلئے گئے۔ ایس ایچ او پاک کالونی نے بتایا کہ گرفتار ملزمان میں زین، ذاکر اور فہیم عرف بونا شامل ہیں،گرفتار ملزمان سے 2 پستول اور ایوان بم برآمد کرلئے گئے،گرفتار ملزم زین پولیس اہلکار کے قتل میں بھی نامزد ہے۔ایس ایچ او نے مزید بتایا کہ دہشت گردی سمیت دیگر دفعات کے تحت مقدمہ درج تفتیش جاری ہے۔ سی آئی دی نیوز
CID NEWS CRIME INFORMATION DEPARTMENT NEWS
Comments