کراچی: رینجرز کی مختلف علاقوں میں کارروائیاں، 9 ملزمان گرفتار پاکستان رینجرز(سندھ) نے شہر کے مختلف علاقوں میں کارروائی کرتے ہوئے9 ملزمان کو گرفتار کرلیا، ملزمان کے قبضے سے غیر قانونی اسلحہ، مسروقہ سامان اور منشیات برآمد کرلی گئی۔ ترجمان رینجرز کے مطابق نیو کراچی انڈسٹریل ایریا اور زمان ٹاؤن کے علاقوں میں رینجرز نے کارروائی کرتے ہوئے 3ملزمان کامران عرف کمو، محمد شاہد عرف برگر اور شاہ نواز کوگرفتار کیا۔ملزمان بھتہ وصولی میں ملوث ہیں۔ عزیز بھٹی، مدینہ کالونی، زمان ٹان اور محمود آباد کے علاقوں میں رینجرز نے کارروائی کرتے ہوئے 6 ملزمان انور عرف لنگڑا، اکبر عرف بگٹی، شیراز، محمد وحید، محمد صدیق اور محمد عدنان عرف پکو کو گرفتار کیا۔ملزمان ڈکیتی، اسٹریٹ کرائمز اور منشیات فروشی میں ملوث ہیں۔ درج بالاملزمان کے قبضے سے غیر قانونی اسلحہ،ایمونیشن، مسروقہ سامان اور منشیات بھی بر آمدکی گئی ہے،تمام ملزمان کو قانونی کارروائی کیلئے پولیس کے حوالے کر دیا گیا۔ سی آئی دی نیوز
CID NEWS CRIME INFORMATION DEPARTMENT NEWS
Commentaires